Աշխատանքի ընդունման համար որակավորված համապատասխան թեկնածու գտնելը յուրաքանչյուր կազմակերպության գլխավոր նպատակն է։ Մենք միշտ մտածում ենք որ այդ գործընթացը կլինի արդար և օբյեկտիվ։ Ցավոք դա միշտ չէ, որ այդպես է։ Անուղղակի բացահայտ կողմնակալությունը  և խտրականությունը շարունակում են ազդել աշխատանքի ընդունման գործընթացի վրա։ Խտրականության դեմ պայքարելու, արդար գնահատականներն ամրապնդելու նպատակով  ստեղծվել է hiretodo.com ֆրիլանս հարթակը, որը թույլ է տալիս աշխատանք փնտրողներին ստեղծել  իրենց անանուն էջը և ստանալ նախագծերի առաջարկներ:

HireToDo հարթակում առկա են գործատուների և աշխատանք փնտրողների միավորումն ապահովող մի շարք գործառույթներ, որոնցից են live chat-ը, աշխատանքի ժամանակին հետևելն ու ժամավճարով աշխատելը, կոնտակտային տվյալները բացելու և աշխատանքի հարցումներ ուղարկելը, աշխատանքային հայտարարությունների տեղադրումը և այլն: 

Նշեմ, որ համակարգի առավելություններից է նաև ներդրված արհեստական բանականությունը, որը գործատուի կողմից տեղադրված աշխատանքային հայտարարության հիման վրա առաջարկում է աշխատողների, ովքեր համապատասխանում են տվյալ նախագծին:

Հարթակում գրանցվելիս աշխատանք փնտրողները կարող են նաև նշել, թե որ տարբերակով են նախընտրում աշխատել (հեռակա, կես դրույք, մի նախագծի ֆրիլանս և այլն), նաև ընտրել ակտիվ կամ պասիվ աշխատանքի որոնում, ինչը կօգնի գործատուներին ավելի հեշտ գտնել իրենց պահանջներին համապատասխան աշխատողներին: 

Անանուն աշխատանքի ընդունումը վերացնում է կողմնակալության հնարավորությունը, հանգեցնելով թեկնածուների ավելի արդար գնահատմանը տվյալ աշխատանքի համար։

Աշխատանքի ընդունող մենեջերների համար կարևոր է հիշել, որ դուք փնտրում եք մշակութային հավելում, այլ ոչ թե պարզապես մշակութային համապատասխանություն. լավ թեկնածուի համար բոլորին համապատասխան չափանիշ չկա:

Վերջին տարիներին, թվային տեխնոլոգիաների զարգացմանը զուգընթաց, ողջ աշխարհում լայն կիրառություն են գտել կրիպտոարժույթները և շարունակում են զարգանալ` ակտիվորեն ընդլայնելով կիրառության ոլորտները։ Այս պահին ամբողջ աշխարհում մոտ 114մլն մարդ հանդիսանում է կրիպտոյի սեփականատեր։ Այս ամենին զուգընթաց, առաջադեմ երկրներում սկել են լայն կիրառություն ունենալ կրիպտոարժույթներ գնող և վաճառող սարքերը, որոնց քանակը օրեցօր աճում է։ Ամբողջ աշխարհում դրանց թիվը հասնում է 33,800-ի, որից միայն 32,000 հատն ԱՄՆ-ում է։ Այս պահին ՀՀ-ում արդեն իսկ գործում է նմանատիպ կրիպտո տերմինալ, որը տեղադրվել է  SkyLabs-ի կողմից։

Այժմ Երևանի տարածքում տեղադրված է մեկ տերմինալ, բայց կազմակերպությունը նախատեսում է  ավելացնել դրանց քանակը։

Տերմինալն այս պահին տեղադրված է Ազատության 24/15 հասցեում` Բիզնես Պլազա կենտրոնի առաջին հարկում։ 

Միացեք SkyLabs-ի Telegram-յան էջին հետաքրքիր առաջարկների և հետագա թարմացումների համար՝  https://t.me/SkyTerminal

Հայկական նոր photographers.am կայքը նախատեսված է լավագույն լուսանկարիչներին հեշտությամբ գտնելու համար՝ տեսնելով նրանց աշխատանքները և կոնտակտային տվյալները մեկ վայրում։

Եթե նախկինում Ձեր միջոցառումների կամ անհատական ֆոտոսեսիաների համար լուսանկարիչ էիք փնտրում ընկերների, ծանոթների կամ սոց․ ցանցերի միջոցով, ապա այս կայքը լիովին լուծում է այդ խնդիրը և խնայում է Ձեր ժամանակը։ Photographers.am կայքից օգտվելը բավականին հեշտ է և հասանելի բոլորին։ Կայքում կարող եք ընտրել հասանելի կատեգորիաներից մեկ (օր. հարսանեկան) և ֆիլտրել լուսանկարիչներին։

Սա հրաշալի հնարավորություն է նաև լուսանկարիչների համար, որտեղ նրանք կարող են գրանցվել և ստեղծել գեղեցիկ պորտֆոլիո, որպեսզի ունենան ավելի ներկայանալի տեսք իրենց ապագա հաճախորդների մոտ։

Կայքի հեղինակները խոստանում են, որ անընդմեջ զարգացնելու են և ստեղծելու են նոր գործիքներ, որոնք էլ ավելի կօգնեն լուսանկարիչներին իրենց պրոֆեսիոնալ կարիեռայում, իսկ մնացած օգտատերերին ժամանակ խնայելու և արագ ու հեշտ լուսանկարիչ ընտրելու գործում։

Moodle-ի մասին գիտի գրեթե յուրաքանչյուրը, ով առընչվել է օնլայն դասավանդման հետ։ Այդ մարդկանց թիվը կտրուկ ավելացավ COVID-19-ի ի հայտ գալուց հետո, երբ մարդիկ ստիպված եղան կրթական պրոցեսը տեղափոխել առցանց։

Moodle-ը հարթակ է, որտեղ հնարավոր է ստեղծել հաշիվ, վերբեռնել ֆայլեր, տեղադրել նյութեր, կազմել դասացուցակ, ունենալ ուսանողների բազա և այլն։ Ասել, որ կարելի է շատ արագ գլուխ հանել այս ամենից, սխալ կլինի։ Դա վկայում են բավականին երկար տևողություն ունեցող «Moodle-ի օգտագործման» դասընթացները։

Բայց այլևս կարիք չկա փորփրել և երկար ժամանակ անցկացնել Moodle-ի ճանաչման ճանապարհին, որովհետև արդեն կա Uteach-ը, որն առավել հարմար է, ունի օնլայն կրթության համար անհրաժեշտ ամբողջ գործիքակազմը, հնարավորություն նաև գումար աշխատելու և, ինչը ոչ պակաս կարևոր է, մեզ բոլորիս հարազատ հայերեն լեզվով է։

Ի՞նչ է պետք դասավանդողին որակյալ օնլայն կրթություն ապահովելու համար։ Հնարավորինս մատչելի ձևով ներկայացնել նյութերը սովորողներին, ապահովել աշակերտ, ուսանող/դասավանդող ամուր կապը և սովորելու պրոցեսը հնարավորինս դարձնել մատչելի ու կողմերի համար չհոգնեցնող։

Հիմա հասկանանք, թե ինչու Moodle-ը փոխարինել հայկական արտադրության հարթակով՝ որն ունի բոլոր ֆունկցիները՝ անհրաժեշտ առցանց կրթությունը բարձր մակարդակով անցկացնելու համար։

1․Uteach-ի օգնությամբ կունենաք սեփական պրոֆեսիոնալ կայքը

Moodle-ի դեպքում Դուք օգտագործում եք հենց այդ հարթակը ու չեք կարող դա վերածել բիզնեսի։ Իսկ Uteach-ի օգնությամբ ընդամենը րոպեների ընթացքում կարող եք Ձեր ձեռքով հավաքել օնլայն ուսուցման Ձեր կայքը, ունենալ անուն, լոգո, ստեղծել բրենդ ու առաջխաղացնել այն։ 

Մեր օրերում կարևոր է դարձել օնլայն աշխարհում պատշաճ կերպով ներկայանալը։ Այլևս բավարար չէ ունենալ միայն էջ ֆեյսբուքում ու դասեր անցկացնել zoom-ով կամ օգտագործել Moodle: 

Ինչու՞ անել այն, ինչ անում են գրեթե բոլորը։ Հիշեք կարևոր մի բան՝ շահում են նրանք, ովքեր առաջինն են սկսում, որովհետև ժամանակն աշխատում է իրենց օգտին։ 

Պատկերացրեք՝ Դուք դասավանդում եք ֆիզիկա կամ, ենթադրենք, շախմատ։ Ձեր շրջապատում դասերն անցկացնում են այլ հարթակներով, իսկ Դուք արդեն ունեք Ձեր սեփական կայքը, օրինակ՝ fizika.am, որտեղ ավելի ներկայանալի եք, տեղադրում եք հետաքրքիր նյութեր, որոնք կարդում են ոչ միայն Ձեր աշակերտներն, այլև ով ցանկանա, և մարդիկ, ովքեր գտել են Ձեր կայքը Google-ում։ 

Բացի այդ, Դուք կարող եք տեղադրել վիդեոդասեր ու դրանք օնլայն վաճառել։ Հավատացեք՝ կստացվի։ Ինչու՞։ Որովհետև հազարների է հասնում այն մարդկանց թիվը, ովքեր Google-ում փնտրում են “ֆիզիկա բառը”։ Սրա համար պատասխանատու է SEO-ն, որի մասին ավելի մանրամասն կարդացեք այստեղ։

2․ Կանցկացնեք տեսազանգեր հենց սեփական կայքում

Moodle-ը չունի տեսազանգերի ֆունկցիա։ Նման հնարավորություն ունենալու համար անհրաժեշտ է ինտեգրել հավելյալ պլագին, որն, իհարկե, ամեն մարդու խելքի բանը չէ։ Սովորաբար մարդիկ օգտվում են zoom-ից կամ skype-ից։ 

Moodle-ում կարելի է տեղադրել վիդեոներ, բայց դրանք վաճառել, անհնարին է։ Իսկ դա նշանակում է, որ հնարավոր չէ օնլայն բիզնես անել, ինչը մեր օրերում շատ ակտուալ է։ 

Uteach-ի օգնությամբ պատրաստված Ձեր կայքում Դուք կարող եք ստեղծել վիդեոդասերի էջ, վերբեռնել դրանք, դրանց համար որոշել գին և վաճառել։ Այն կունենա նման տեսք․․․

Վիդեոդասեր բաժնում կարելի է վերբեռնել տարբեր ֆայլեր, որոնք կարող են ներբեռնել ուսանողները՝ ուսուցման պրոցեսն ավելի լիարժեք դարձնելու համար։

5․ Կավելացնեք էջեր Ձեր կայքում

Uteach-ի օգնությամբ Դուք կարող եք ավելացնել էջեր Ձեր կայքում։ Ենթադրենք՝ ցանկանում եք մի փոքր պատմել Ձեր մասին, որպեսզի կայքում հայտնված մարդիկ պատկերացում կազմեն՝ ով եք Դուք, ինչով եք զբաղվում, քանի տարվա մասնագետ եք և այլն։ Դուք կարող եք ավելացնել  «Մեր մասին» էջ, գրել գեղեցիկ տեքստ, ավելացնել նկարներ, վիդեոներ և այլն։

6․ Կվարեք բլոգ

Moodle-ում Դուք տեղադրում եք նյութեր, որոնք կարողանում են կարդալ միայն մարդիկ, ովքեր ունեն հարթակ մուտք գործելու հնարավորություն։

Իսկ ահա Ձեր կայքում Դուք կարող եք վարել անձնական բլոգ, գրել հետաքրքիր հոդվածներ, որոնք կկարդան բոլորը։ Դրանց շնորհիվ Ձեր կայքը կհայտնվի Google-ի որոնման արդյունքում, կավելանան Ձեր կայքի այցելությունները, մարդիկ կսկսեն ճանաչել Ձեզ, կցանկանան ծանոթանալ Ձեր գործունեությանը։ Իսկ դա կնպաստի նոր ուսանողների ձեռք բերմանը։

7․ Ինքներդ կլինեք Ձեր կայքի տեսքի հեղինակը

Uteach-ը տալիս է հնարավորություն ինքնուրույն “հավաքել կայքը”, ընտրել նկարները,կայքի դիզայնը, նրա գույները։ Դա նշանակում է, որ ամեն ինչ կլինի Ձեր ճաշակով։ Այստեղ պետք է հիշել կարևոր մի բան՝ ընտրել ներդաշնակ նկարներ, որոնք համապատասխանում են գույներով և, իհարկե, որակյալ, չափսերով մեծ նկարներ։ Որովհետև, եթե դրանք եղան չափսով փոքր ու տեղադրվեցին կայքում, որտեղ պահանջվում են ավելի մեծ նկարներ, կաղավաղվեն և կփչացնեն կայքի տեսքը։ 

Նկարների մասին ավելի շատ տեղեկություն ստանալու համար առաջարկում եմ դիտել տեսանյութը։

Հայաստանի ֆուտբոլի ֆեդերացիայի պաշտոնական կայքում գործարկվել է տոմսերի առցանց վաճառքի համակարգ, որտեղ հնարավոր է տեսնել ընտրված սեկցիայի/տրիբունայի և նստարանի ընթացիկ կարգավիճակն (հասանելի, վաճառված, ազատ և այլն) ու գինը: Կայքում ցուցադրվում է նաև ընտրված նստարանից երևացող տեսարանը:

Նշեմ, որ տվյալ պահին արդեն հասանելի են Հայաստան-Իսլանդիա հանդիպման տոմսերը, որը կայանալու է մարտի 28-ին: Կորոնավիրուսով պայմանավորված որոշ նստարաններ հասանելի չեն:

arca.am հավելվածում և կայքում այսուհետ կարող եք կատարել և ստանալ փոխանցումներ էլ․ փոստի կամ հեռախոսահամարի միջոցով, առանց հասցեատիրոջ քարտի համարի մուտքագրման՝ գումար փոխանցելու և ստանալու հարցումներ ուղարկելու միջոցով։ Ծառայությունից օգտվելու համար Փոխանցել կամ Ստանալ կոնտակտներով բաժնում մուտքագրեք հասցեատիրոջ էլ․ փոստը կամ հեռախոսահամարը, նշեք գումարի չափը և ուղեկցող հաղորդագրությունը և սեղմեք ուղարկել կոճակը։ Հարցման հաստատումից հետո կատարեք կամ ստացեք փոխանցումը։ Հաճախ օգտագործվող կոնտակները կարող եք ավելացնել Ընկերների ցուցակում։ Անցանկալի հարցումները կարող եք կասեցնել՝ ուղարկող կոնտակտը գրանցելով Սև ցուցակում։ Նոր ծառայությունը հասանելի է ArCa պրոցեսինգային հարթակում սպասարկվող բանկերի թողարկած քարտեր գրանցած օգտատերերի համար։ Նոր ծառայությունը ավտոմատ ակտիվացած է էլ․փոստով փոխանցման համար։ Հեռախոսահամարի միջոցով ծառայության ակտիվացման համար Փոխանցում կոնտակտներով կարգավորումների բաժնում մուտքագրեք հեռախոսահամարը, ստացեք մեկանգամյա կոդը և մուտքագրեք այն։

CityBugs համակարգի վրա ստեղծել է Sahman.in հարթակը, որը թույլ է տալիս ՀՀ քարտեզի վրա ավելացնել արցախցիների կամ թիկունքի տվյալ պահի կարիքները: Սա ապակենտրոնացված ցանց է, որտեղ մարդիկ կամ կազմակերպությունները օգնում են իրար առանց միջնորդի: 

Կարիքի բավարարումն իր վրա կվերցնի այդ պահին կարիքը բավարարել ունակ քաղաքացին կամ կազմակերպությունը, կամ պետական ու տեղական ինքնակառավարման մարմինը: 

Սրանով մարդիկ ու համապատասխան մարմինները կարող են օգնել կարիքավորին՝ հաղթահարելու այս կամ այն խնդիրը արագ և արդյունավետ: Կարիքի բավարարումից հետո անձը որպես դրա բավարարման ապացույց տեղադրում է համապատասխան ծառայության իրականացման կամ ապրանքը տեղ հասցնելու նկարը, ապա փակում կարիքը, որից հետո կարիք բացած մարդն ուղղակի ընդունում է ապրանքը կամ մատուցված ծառայությունը: